Jump to content
JainSamaj.World

गोम्मटेश स्तुति


admin

विसट्ट कंदोटट दलाणुयारं,

सुलोयणं चंद समाण तुंण्डं ।

घोणाजियं चम्पय पुप्फसोहं

तं गोम्मटेसं पणमामि णिच्चं ।।1।।

 

अच्छाय सच्छं जलकंत गंण्डं

आबाहु दोलंत सुकण्ण पासं ।

गइंद सुण्डुज्जल बाहुदण्डं

तं गोम्मटेसं पणमामि णिच्चं ।।2।।

 

सुकण्ठ सोहा जियदिव्व संखं

हिमालयुद्दाम विसाल कंधं ।

सुपेक्ख णिज्जायल सुठ्ठुमज्झं

तं गोम्मटेसं पणमामि णिच्चं ।।3।।

 

विज्झाय लग्गे पविभासमाणं

सिहांमणिं सव्व सुचेदियाणं ।

तिलोय संतोसय पुण्णचंदं

तं गोम्मटेसं पणमामि णिच्चं ।।4।।

 

लयासमक्कंत महासरीरं भव्वावलीलध्द

सुक्कपरूक्खं देविंदविंदच्चिय पायपोम्मं ।

तं गोम्मटेसं पणमामि णिच्चं ।।5।।

 

दियंबरो जो ण च भीई जुत्तो

ण चांबरे सत्तमणो विसुद्धो ।

सप्पादि जंतुप्फुसदो ण कंपो

तं गोम्मटेसं पणमामि णिच्चं ।।6।।

 

आसां ण जो पेक्खदि सच्छदिटिठ्

सोक्खे ण वंछा हयदोसमूलं ।

विराय भावं भरहे विसल्लं

तं गोम्मटेसं पणमामि णिच्चं ।।7।।

 

उपाहि मुत्तं धण धाम वज्जियं

सुसम्मजुत्तं मय मोहहारयं ।

वस्सेय पज्जंतमुववास जुत्तं

तं गोम्मटेसं पणमामि णिच्चं ।।8।।

 

।। इति गोम्मटेस स्तुति ।।



×
×
  • Create New...